Единый день информирования
Единый день информирования – это комплекс мероприятий, проводимых ежемесячно (каждый третий четверг месяца) в Республике Беларусь, в рамках которых члены информационно-пропагандистских групп и приглашенные докладчики встречаются с трудовыми коллективами и населением для обсуждения актуальных вопросов общественно-политической жизни. Это форма идеологической работы, направленная на информирование граждан о государственной политике, разъяснение ее задач и целей, а также на обеспечение обратной связи между властью и населением.
Адзіны дзень інфармавання.
19 сакавіка 2026 года на Дзятлаўшчыне прайшоў Адзіны дзень інфармавання. Працавала некалькі інфармацыйна-прапагандысцкіх груп. Група старшыні райвыканкама Андрэя Садоўскага выступіла перад калектывам дзяржаўнай установы «Казлоўшчынскі сацыяльны пансіянат «Колас».
Абмеркавалі сучасныя падыходы да развіцця рэгіёнаў: ад эканомікі да сацыяльнай інфраструктуры. Другую пяцігодку запар моцныя рэгіёны – прыярытэт праграм сацыяльна-эканамічнага развіцця Беларусі. Забеспячэнне комплекснага падыходу да росту дабрабыту насельніцтва ў рэгіёнах, раўнамернае развіццё тэрыторый, недапушчэнне разрыву паміж горадам і вёскай, сталіцай і рэгіёнамі – задачы ўнутранай палітыкі краіны. Эфектыўнасць у іх вырашэнні даказалі праграмна-мэтавы падыход і канкрэтныя Дзяржаўныя праграмы. Першы такі тэрытарыяльна арыентаваны дакумент – Дзяржпраграма адраджэння і развіцця вёскі 2005-2010 гадоў, якая надала імпульс развіццю сельскіх населеных пунктаў, у тым ліку аддаленых.
Ключавая канцэпцыя сацыяльна-эканамічнага развіцця на новую пяцігодку – сфарміраваць самадастатковую і канкурэнтаздольную дзяржаву, у цэнтры ўвагі якой – чалавек. Асноўная мэта – пераход да новай якасці жыцця кожнага беларуса, таму і вектар рэгіянальнай палітыкі – стварэнне спрыяльных умоваў для працы, бізнесу, самарэалізацыі і камфортнага жыцця людзей у любым населеным пункце.
Сучасная рэгіянальная палітыка скіравана на павышэнне прывабнасці для жыцця, працы і бізнесу ўсіх тэрыторый, у тым ліку за межамі сталіцы і абласных цэнтраў. У цэлым ад перспектыў развіцця кожнага кутка роднай Беларусі залежыць, наколькі моцнай і квітнеючай будзе наша дзяржава.
У рамках Адзінага дня інфармавання былі разгледжаны і такія актуальныя тэмы, як супрацьдзеянне незаконнаму абароту наркотыкаў, аб асновах бяспечнага ўдзелу ў дарожным руху веласіпедыстаў і вадзіцеляў сродкаў персанальнай мабільнасці, забароне выхаду на тонкі лёд, навядзенні парадку на прыдамавых тэрыторыях, бяспецы дзяцей на канікулах.
Зваротная сувязь. Мы бачым, як усё мяняецца да лепшага
Кацярына Мазура, старшая медыцынская сястра сацыяльнага пансіяната “Колас”:
– Адзіныя дні інфармавання ў нас праходзяць рэгулярна, і іх я наведваю. Пачутае лічу вельмі карысным, бо мы, работнікі сацыяльнай сферы, не заўжды ведаем аб стане спраў у іншых, а ў час такіх размоў асвячаецца і ахова здароўя, і будаўніцтва, і эканоміка. Інфармацыя падаецца поўна і даступна.
Парадавала, што і Беларусь, і наш раён у прыватнасці, імкліва развіваюцца, пра што расказаў сёння ў час Адзінага дня інфармавання старшыня Дзятлаўскага райвыканкама Андрэй Садоўскі. Мы бачым гэтыя станоўчыя змяненні. Напрыклад, у цэнтры гарпасёлка Казлоўшчына ў арэнднае шматкватэрнае жыллё рэканструяваны два корпусы былога інтэрната. Адрамантаваны двары шматпавярховых дамоў, з’явілася новая пляцоўка для выязнога гандлю і ў цэлым інфраструктура пасёлка дастаткова развітая, усё неабходнае знаходзіцца ў крокавай даступнасці.
